Коммунальное государственное учреждение «Общеобразовательная школа имени Кожабергена жырау»
Официальный интернет-ресурс

Новости

«Тазалық – өзімізден басталады»

"Қожаберген жырау атындағы жалпы орта білім беретін мектебінде" мектепалды сыныпбында
«Тазалық – өзімізден басталады» деген сөз әр адамның жеке гигиенаны сақтауы мен қоршаған ортаны таза ұстауының маңызын білдіреді. Әр адам өзінен бастап тазалыққа мән берсе, қоғам да таза әрі жайлы болады. Қоқысты жерге тастамау, қолды жиі жуу, айналаны күтіп ұстау – тазалықтың қарапайым ережелері. Тазалық – денсаулықтың кепілі әрі мәдениеттіліктің белгісі

«Таза бейсенбі» гүлге күтім жасау іс-шарасы

Мектебімізде «Адал азамат» біртұтас тәрбие бағдарламасы негізінде «Бейсенбі – тазалық күні» қарсаңында «Таза бейсенбі» гүлге күтім жасау іс-шарасы өткізіледі.
Аталған іс-шараның мақсаты – білім алушыларды тазалыққа, еңбекқорлыққа және қоршаған ортаны аялауға тәрбиелеу, табиғатқа деген сүйіспеншілігін арттыру, экологиялық мәдениетін қалыптастыру. Сонымен қатар гүлдерге дұрыс күтім жасау дағдыларын меңгерту көзделді.
Шара барысында оқушылар мектептегі гүлдердің жапырақтарының шаңын сүртіп, күтім жасап, су құю, қураған жапырақтарын тазалау жұмыстарын атқарды. Оқушылар табиғатты қорғау – әрбір азаматтың міндеті екенін түсініп, ортақ іске белсенділікпен қатысты.

М. Қозыбаев атындағы Солтүстік Қазақстан университетінде ашық есік күні

1 – сәуір М. Қозыбаев атындағы Солтүстік Қазақстан университетінде ашық есік күні өтті. Осы іс шараға мектебіміздің 11- сынып оқушылары қатысты. Іс шара барысында оқушыларға университеттің оқу бағдарламаларымен таныстырды. Әр мамандық бойынша үлкен көрмелер қойылып өз кәсіптерінің қыр сырымен таныстырды. Заманауи үлгідегі зертханаларға саяхат ұйымдастырылды. Саяхат барысында оқушылар жаңа құрылғыларды өз көздерімен көріп, қалай дұрыс пайдалану керектігімен танысты. Оқушыларға көптеген мүмкіндік жасалып тұрғаны туралы айтылды. Жас талапкерлердің ойында жүрген көптеген сұрақтарға жауан алынып, пайдалы кеңестер берілді. Кездесу жақсы көңіл күйде өтті. Көп мәлімет берілді.

"Таңмен оянған бозторғай: табиғаттың үнсіз симфониясы"

"Таңмен оянған бозторғай: табиғаттың үнсіз симфониясы"

Тақырыбы:"Таңмен оянған бозторғай: табиғаттың үнсіз симфониясы". Сурет авторы: 10-сынып оқушысы Сансызбаева Жанна.
Бұл сурет — табиғат пен тіршіліктің өзара үйлесімін бейнелейтін көркем туынды. Қылқалам шеберінің шешімімен сурет бетіндегі әрбір көрініс терең мағынаға ие болып, көрерменге ерекше көңіл-күй сыйлайды.
Суреттің негізгі фонындағы сары, сарғыш және қою қызыл түстердің алмасуы — атқан таңның немесе батқан күннің шуағын еске салады. Ортадағы жарқыраған сары шеңбер күннің көзін бейнелеп, айналасына жылулық пен жарық шашып тұрғандай. Бұл — жаңа күннің басталуы мен үміттің нышаны.
Суреттің басты кейіпкері — бұтақта қонған құстың қара сұлбасы. Ол таңғы тыныштықты бұзбай, әлемнің оянуын бақылап отырғандай әсер береді. Құстың тұмсығындағы кішкене бұтақ немесе жем — оның тіршілік қамындағы еңбекқорлығын көрсетеді. Бозторғайдың айқын қара түспен бейнеленуі оның жарқын фонмен керемет контраст құрып, суреттің мазмұнын аша түскен.
Айналасындағы бұтақтардың ирелең сызықтары мен көлеңкелері суретке драмалық реңк беріп тұр. Бұл көрініс — тыныштық пен қозғалыстың, жарық пен көлеңкенің ажырамас бірлігін сипаттайды.
Қорытындылай келе, бұл туынды тек құстың бейнесі ғана емес, ол — бізге күн сайын берілетін жаңа мүмкіндіктің, еркіндіктің және табиғат ананың тылсым сұлулығының көрінісі. Тамаша туынды!
Шығармашылық шабытың ешқашан таусылмасын! Жарайсың, Жанна!

«Бастау» олимпиадасы

Қожаберген жырау атындағы жалпы орта білім беретін мектебінің 2 «А» сынып оқушысы Амантай Айбар облыстық «Бастау» олимпиадасынан бірінші орын алып, Республикалық олимпиадаға өтіп, Алматы қаласында болған «Бастау» олимпиадасына қатысып келді. Мұғалімі Сарина Эльмира Толемисовна. Байқауда білімін көрсете білген Амантай Айбарға, жеңіске жетелеген ұстазына алғысымызды білдіреміз!💐💐💐

«Қожаберген жырау атындағы ЖОББМ» «Тұлпар» командасы «Ұлттык,Play» облыстық ұлттық ойындар байқауы

«Қожаберген жырау атындағы ЖОББМ» «Тұлпар» командасы «Ұлттык,Play» облыстық ұлттық ойындар байқауы

«Қожаберген жырау атындағы ЖОББМ» «Тұлпар» командасы «Ұлттык,Play» облыстық ұлттық,ойындар байқауына қатысып,жоғары нәтиже көрсетті. Команда ұйымшылдық,
танытып, ұлттык, ойындар бойынша өз шеберліктерін
дәлелдеді.
Байкау қорытындысы бойынша «Тұлпар» командасы I орын иеленіп, дипломмен марапатталды. Дайындаған жетекшілері Байдильдин М.Е мен Садуев С.Е сертификаттармен марапатталды. Бұл жетістік - окушылар мен жетекшілерінің еңбегі мен бірлігінің
айқын көрінісі.
«Желіден бостандық» атты облыстық байқауы

«Желіден бостандық» атты облыстық байқауы

Солтүстік Қазақстан облысының Психологиялық қолдау орталығы ұйымдастырған 5–9 сынып оқушылары арасындағы «Желіден бостандық» атты облыстық бейнероликтер байқауының қорытындысы шықты. Мектебіміздің 9 «Ә» сынып оқушысы Сәрсен Мөлдір керемет нәтиже көрсетіп, «Интернетке тәуелділіктің алдын алу бойынша ең жақсы бейне» номинациясы бойынша I дәрежелі дипломмен марапатталды. Мөлдірді және оның жетекшісі Аткельтирова Алия Сайлаубаевнаны лайықты жеңістерімен құттықтаймыз!

«Қош келдің, әз Наурыз!»

18 Наурыз бастауыш сынып оқушыларымен наурыз мерекесіне байланысты «Қош келдің, әз Наурыз!» атты мерекелік іс-шарасы өтті.
Мақсаты: «Наурыз» мейрамы туралы түсінік беру арқылы қазақ халқының салт - дәстүрін көрсету және оны құрметтей білуге тәрбиелеу. Наурыз мерекесінің қазақ даласындағы орны, наурыз мерекесі туралы түсінік беру, Наурыз мерекесін ұлттық салт - дәстүрімізбен, әдет-ғұрпымызбен байланыстыра насихаттап, ұрпақтардың өз ұлтына деген сүйіспеншілігін арттыру.
Әр сынып оқушылары ұлттық киім киіп, өз өнерімен сахна төріне шықты.
Жауапты 3 сынып мұғалімдері: Биисова Э.К, Тастанова А.П.

«Ақ бата – асыл мұра» тақырыбында бата оқу сайысы

Ұлыстың ұлы күні – Әз Наурыз мерекесіне орай Қожаберген жырау атындағы жалпы орта білім беретін мектебінде бастауыш сыныптар арасында «Ақ бата – асыл мұра» тақырыбында бата оқу сайысы ұйымдастырылды.
Бұл сайыстың басты мақсаты – ата-бабамыздан келе жатқан батаның мәні мен маңызын насихаттау, ұлттық салт-дәстүрімізді дәріптеу және жас ұрпақтың рухани құндылықтарға деген құрметін арттыру. Бата – халқымыздың ақ тілегі мен ізгі ниетінің көрінісі, үлкендердің даналығы мен тәрбиесінің белгісі. Сондықтан да ол ұрпақтан ұрпаққа жалғасып келе жатқан асыл мұра болып саналады.
Сайыс барысында оқушылар сахнаға шығып, өздерінің жаттаған баталарын мәнерлеп айтып, көрермендерге ерекше әсер сыйлады. Қатысушылар батаның тәрбиелік мәнін терең түсініп, ұлттық дәстүрімізді дәріптей білді.
Сайыс қорытындысы бойынша І орын алған оқушылар:
1 «А» сынып оқушысы Дулат Махамбет,
2 «А» сынып оқушылары Амантай Айбар, Серік Расул,
4 «А» сынып оқушысы Адақ Алдияр,
4 «Ә» сынып оқушысы Баязит Дияр.
Аталған оқушылар аудандық бата оқу сайысына жолдама алып, қатысуға жіберілді.
Осындай тәрбиелік мәні зор іс-шаралар жас ұрпақтың ұлттық құндылықтарды құрметтеуіне, салт-дәстүрді ұмытпай, оны болашаққа жеткізуіне үлкен үлес қосады. Барлық қатысушыларға алғыс білдіреміз және аудандық сайысқа қатысатын оқушыларымызға сәттілік тілейміз!
“Мерейлі отбасы”** атты отбасылық фотокөрме

“Мерейлі отбасы”** атты отбасылық фотокөрме

16 наурыз – Шаңырақ күні, Наурыз мейрамы аясында отбасы құндылықтарын дәріптейтін күн. Осы күнге орай “Мерейлі отбасы”** атты отбасылық фотокөрме өтті 👨‍👩‍👧‍👦📸
Іс-шара 3–4 сынып оқушылары арасында ұйымдастырылды. Оқушылар өз отбасыларымен түскен ең әсерлі, ең бақытты сәттерін бейнелейтін фотосуреттерін ұсынып, көрмеге белсене қатысты. Әрбір суреттен отбасының жылулығы, сыйластығы мен бірлігі сезіліп тұрды ❤️
Бұл фотокөрменің басты мақсаты – оқушыларға отбасының қадірін түсіндіру, ата-анаға деген құрметті арттыру және отбасы құндылықтарын насихаттау.
Осындай мағыналы шараға белсенді қатысқан барлық оқушылар мен ата-аналарға алғысымызды білдіреміз!

Жамбыл Жабаевтың (1846–1945) туғанына 180 жыл толуына орай сынып сағаттары

«Қазақ поэзиясының алыбы – Жамбыл Жабаевтың туғанына 180 жыл»
📚Ағымдағы жылдың 25 ақпан күні ұлы ақын, жыр алыбы, қазақ поэзиясының классигі Жамбыл Жабаевтың (1846–1945) туғанына 180 жыл толуына орай сынып сағаттары өткізілді.
Сынып сағаты барысында оқушылар Жамбыл Жабаевтың өмірі мен шығармашылық жолымен танысып, оның өлеңдері мен жырлары арқылы ұлттық рух пен адамгершілік құндылықтардың маңызын түсінді.
Ұлы тұлғаның мұрасы – өскелең ұрпаққа мәңгілік рухани қазына.

Терроризмге қарсы іс-қимыл

Полиция қызметкерлерінің қатысуымен терроризмге қарсы іс-қимыл тақырыбында ақпараттық сағаттар өткізілді. Іс-шара барысында құқық қорғау органдарының өкілдері терроризмнің алдын алу, оның белгілерін дер кезінде анықтау және күмәнді жағдайлар туындаған кезде әрекет ету тәртібі туралы түсіндіру жұмыстарын жүргізді.
Қатысушыларға қоғамдық қауіпсіздікті сақтау, заң талаптарын орындау және төтенше жағдайларда сабыр сақтап, тиісті органдарға жедел хабарлау қажеттігі айтылды. Сонымен қатар, экстремистік идеологиялардың зияны мен олардың қоғамға төндіретін қатері жөнінде кеңінен ақпарат берілді.
Мұндай кездесулердің мақсаты – азаматтардың құқықтық сауаттылығын арттыру, қауіпсіздік мәдениетін қалыптастыру және терроризмнің алдын алуға қоғам болып атсалысуға шақыру.

Страница 2 из 11

Полезные ресурсы