«Қожаберген жырау атындағы жалпы орта білім беретін мектебі» коммуналдық мемлекеттік мекемесі
Ресми интернет-ресурс

Жаңалықтар

Терроризмге қарсы іс-қимыл

Полиция қызметкерлерінің қатысуымен терроризмге қарсы іс-қимыл тақырыбында ақпараттық сағаттар өткізілді. Іс-шара барысында құқық қорғау органдарының өкілдері терроризмнің алдын алу, оның белгілерін дер кезінде анықтау және күмәнді жағдайлар туындаған кезде әрекет ету тәртібі туралы түсіндіру жұмыстарын жүргізді.
Қатысушыларға қоғамдық қауіпсіздікті сақтау, заң талаптарын орындау және төтенше жағдайларда сабыр сақтап, тиісті органдарға жедел хабарлау қажеттігі айтылды. Сонымен қатар, экстремистік идеологиялардың зияны мен олардың қоғамға төндіретін қатері жөнінде кеңінен ақпарат берілді.
Мұндай кездесулердің мақсаты – азаматтардың құқықтық сауаттылығын арттыру, қауіпсіздік мәдениетін қалыптастыру және терроризмнің алдын алуға қоғам болып атсалысуға шақыру.

Тоғызқұмалақтан Республикалық турнирі

19-21 ақпан аралығында Ақмола облысы Ерейментау қаласында Қазақстан Республикасының Білім беру ісінің үздігі Дүйсенов Балташ Сыздықұлын еске алуға арналған Тоғызқұмалақтан Республикалық турниріне мектебіміздің оқушылары қатысып 17 мектеп арасынан жүлделі 5 орынға ие болуымен құттықтаймыз!💐💐💐Жаттықтырушы : М.Е. Байдильдин

Жасөспірімдер арасында құқықбұзушылықтың, нашақорлықтың және есірткі қылмыстарының алдын алу

2026 жылдың 23 ақпан күні жасөспірімдер арасында құқықбұзушылықтың, нашақорлықтың және есірткі қылмыстарының алдын алу мақсатында Жамбыл ауданының полиция бөлімінің бастығы Асылбек Бейбітұлы Тоқтамысов 10-11 сынып білім алушыларымен профилактикалық кездесу өтті.
Бұл шаралардың мақсаты кәмелетке толмағандар арасындағы заңсыз әрекеттердің зияны мен жауапкершілігін түсіндіру, сондай-ақ қоғамдық қауіпсіздікті нығайту, құқықбұзушылық пен нашақорлықтың алдын алу.
«Болашаққа бастар бағытым»

«Болашаққа бастар бағытым»

«Позитивті мағыналар аумағы» онкүндігі аясында педагог-психолог жоғары сынып оқушыларымен «Болашаққа бастар бағытым» тақырыбында тренинг өткізді. Мақсаты: білім алушылардың өзін-өзі позитивті қабылдауын және өмір құндылықтарын қалыптастыру, өміршеңдігін, эмоционалдық тұрақтылығын және стресстік әрі қиын өмірлік жағдайларды конструктивті жеңу дағдыларын дамытуға, сондай-ақ психологиялық сауаттылығы мен өзін-өзі қолдау мәдениетін арттыруға ықпал ететін қолайлы психологиялық орта құру.

"Тоғызқұмалақ" ойынынан жарыс

"Тоғызқұмалақ" ойынынан жарыс

2026 жылдың 14 ақпан күні Қызылжар ауданында оқушылар арасында тоғызқұмалақ ойынынан жарыс өтті.
Жарыс қорытындысы бойынша мектебімізден барған оқушылар
Ержан Еркежан 2-орын
Құдайберген Жасмин 3-орын
Ержан Сұлтан 3-орын
Ержан Сулейман 3-орын марапатталды.
Құттықтаймыз!!!👏😍🫂
Жаттықтырушы : М.Е. Байдильдин

«Ауған соғысының жаңғырығы», «Ерлікке тағзым - өшпес тағдыр», «Ауғанның отты жалынында»

Кеңес әскерлерінің Ауған жерінен шығарылғанына 37 жыл толуына орай іс - шаралар жоспары аясында «Ауған соғысының жаңғырығы», «Ерлікке тағзым - өшпес тағдыр», «Ауғанның отты жалынында» тақырыбында сынып сағаттары өтті.

Жамбыл ауданы Пресновка ауылының № 11 өрт сөндіру бөлімінің қызметкерлері ағымдағы жылдың 9 желтоқсаны күні 10-11 сынып оқушыларымен жылыту маусымындағы қауіпсіздік шаралары туралы кездесу

Жамбыл ауданы Пресновка ауылының № 11 өрт сөндіру бөлімінің қызметкерлері ағымдағы жылдың 9 желтоқсаны күні 10-11 сынып оқушыларымен жылыту маусымындағы қауіпсіздік шаралары туралы кездесу өткізді, онда олар төтенше жағдайлардағы қауіпсіздік, өрт қауіпсіздігі ережелері, газбен жұмыс істеу кезіндегі сақтық шаралары және электр қауіпсіздігі сияқты маңызды тақырыптарды қамтыды, бұл оқушылардың жылыту маусымындағы қауіп-қатерлерді азайтуға және дұрыс әрекет етуге үйретуді мақсат етті.
Кездесудің негізгі бағыттары мен мазмұны:
Жылыту маусымындағы өрт қауіпсіздігі:
Жылыту аспаптарын дұрыс пайдалану, олардың жанына жанғыш заттарды қоймау.
Ескірген немесе зақымдалған электр сымдарын ауыстыру, розеткаларды шамадан тыс жүктемеу.
Өрт шыққан жағдайда не істеу керектігі, өрт сөндіру құралдарын қолдану (егер болса).
Газбен жұмыс істеу қауіпсіздігі:
Газ иісін сезген кезде не істеу керектігі (терезе ашу, газдың жанында от жақпау, электр құрылғыларын іске қоспау).
Газ плиталарын және баллондарды тексеру, газдың ағып кетуін болдырмау жолдары.
Электр қауіпсіздігі:
Электр желілерінің, ашалардың жағдайын тексеру, сумен байланысты электр құрылғыларына сақтықпен қарау.
Төтенше жағдайдағы әрекет ету ережелері:
Жедел құтқару қызметтерінің нөмірлерін (101, 112) білу және хабарлау.
Қауіпсіз жерге эвакуациялау жолдары.
Кеңес беруші бағдарламалар, видеороликтер көрсету арқылы практикалық тәжірибе.
Бұл кездесу оқушылардың білімдерін арттырып, жылыту маусымындағы қауіпсіздік туралы хабардар болуын қамтамасыз етеді.
«Менің өмірім – менің құндылығым»

«Менің өмірім – менің құндылығым»

«Позитивті мағыналар аумағы» онкүндігі аясында педагог-психолог Аткельтирова А.С. жоғары сынып оқушыларымен «Менің өмірім – менің құндылығым» тақырыбында тренинг өткізді. Тренингтің мақсаты: Жеке құндылықтарды талқылау, болашақтың жағымды бейнесін қалыптастыру, өмірлік құндылықтарды, маңызды адамдар мен мақсаттарды талдау және қауіпті мінез-құлықтың алдын алу.
Шара барысында оқушылар психологиялық жаттығулар орындап, қиын сәттерде қолдау табу жолдарын талқылады. Бұл кездесу балалардың өмірлік ұстанымдарын нығайтуға және олардың эмоционалдық тұрақтылығын арттыруға септігін тигізді.

«Суды үнемде – болашақты сақта» атты эко-сағат

Су ресурстары министрлігінің бастамасымен ұйымдастырылған «Суды үнемде – болашақты сақта» атты эко-сағат өткізілді. Мақсаты – оқушылардың суға деген ұқыпты және жауапты көзқарасын қалыптастыру.
Эко-сағат барысында оқушылар су ресурстарын үнемді пайдаланудың жолдарымен танысып, суды үнемдеудің маңызы мен оның қоршаған ортаны сақтаудағы рөлі туралы мәлімет алды.
Эко-сағат соңында оқушылар өз ойларын қорытындылап, «Суды сақтайық» тақырыбында суреттер салып, шығармашылық қабілеттерін көрсетті.

«Құтқарушы күнделігі»

2026 жылдың 12 ақпан күні Солтүстік Қазақстан облысының прокуратурасы мен мемлекеттік органдардың бастамасымен қолға алынған «Заң мен Тәртіп» идеологемасын ілгерілету жоспарына сәйкес мектебіміздің 7-8 сынып оқушылары Жамбыл ауданы Пресновка ауылының № 11 өрт сөндіру бөлімінде «Құтқарушы күнделігі» тақырыбындағы экскурсиясына қатысты.
Іс-шара барысында оқушыларға авариялық-құтқару операцияларын жүргізу кезінде қолданылатын жабдықтар мен құралдар ұсынылды.
Оқушыларға алғашқы медициналық көмек көрсетудің маңыздылығы, күнделікті өмірдегі қауіпсіздік принциптері және кәсіби өрт сөндірушілер мен құтқарушылар басқаларды құтқару үшін өз өмірлерін қатерге тігуге дайын екендігі туралы айтылды.
«Өмір үйлесімі»

«Өмір үйлесімі»

«Позитивті мағыналар аумағы» онкүндігі аясында педагог-психолог жоғары сынып оқушыларымен «Өмір үйлесімі» тақырыбында тренинг өткізді. Мақсаты: Жасөспірімдерге адамдармен қарым-қатынас кезіндегі өз сезімдері мен эмоцияларын түсінуге көмектесу, өз қорқыныштарын және адамдардан не күтетінін ұғынуға қолдау көрсету, өзгелердің құндылығы мен абыройына құрметпен қарауды қалыптастыру.

"Сенімді Мен: кеңістік, тандау және кауіпсіз қарым қатынас»

"Сенімді Мен: кеңістік, тандау және кауіпсіз қарым қатынас»

Жағымсыз әлеуметтік салдардың алдын алу және жеке кауіпсіздік мәселелеріне
жауапкершілікпен қарауды қалыптастыру мақсатында жоғары сынып оқушыларымен "Сенімді Мен: кеңістік, тандау және кауіпсіз қарым қатынас» тренингтер өткізілді.

3 ішінен 11 беті

Пайдалы ресурстар